[日常慳錢攻略] 加拿大Grocery 買餸慳錢貼士

加拿大平時出街食飯又稅又tips，想慳錢就要買餸自己煮。今日同大家分享幾個grocery買餸慳錢貼士，一齊慳上加慳！

Price match簡單黎講，就係一個「買貴退差價」嘅消費者保障。

例如你喺超市A買辛辣麵，但發現超市B嘅辛辣麵比較平，你可以喺埋單時向cashier出示相關證據（例如flipp入面嘅flyer），提出price match要求。

如果交易係符合超市A嘅price match政策，佢就會以超市B嘅價錢過機；即係你可以用超市B價錢，於超市A買辛辣麵。

要留意，並唔係每一間超市都有提供price match。以多倫多為例，只有以下嘅超市有price match：

除咗逐間超市flyer慢慢搵，Flipp係一個好方便嘅app，可以一站式搵曬唔同超市flyer嘅平台。

行超市時留意吓，尤其係乳製品同護膚品。

通常2-3個月有效期，可以拎多幾張慢慢用，因為通常過幾日就會俾人拎曬。

因為呢種優惠券係由vendor發出，所以通常係任何有賣相關貨品嘅超市都適用，唔一定去拎優惠券嘅果間超市買。

撞正減價時再用優惠券，慳上加慳！

唔少金融機構都有出信用卡，專攻grocery消費回贈。回贈大概可以分為現金/飛行里數。

以下係幾張grocery回贈唔錯嘅信用卡，有4-6% cash back：

如果你係去Loblaws旗下超市(e.g. Loblaws, No Frills) 多嘅話，可以出翻張PC嘅信用卡，儲分快好多。

詳細比較可以睇翻：

當一個月grocery消費用CAD500，用信用卡拎5% cash back的話，一個月可以慳CAD25蚊；一年就CAD300蚊。

小數怕長計，一張好嘅信用卡，可以幫補唔少！

唔同嘅超市都有自己嘅會員制度，玩法大多都係透過消費滿指定金額，或者購買指定貨品去儲分。

積分就預咗要慢慢儲，回贈又唔係好多架啦，但總好過無～

幾個月減翻個CAD10都係慳咗錢，反正要投入嘅資源只係開戶+埋單錢嘟多吓會員。

Loblaws旗下嘅PC會籍，可以話係加拿大之中，回贈最大手筆嘅會員計劃

喺加拿大，外賣app例如Uber Eats、Instacart等等，都可以買到唔同超市嘅groceries。

雖然價錢係會比門市貴，但如果個app送啲痴鬼線coupon，有可能仲平過你自己落街買，仲要送到上門。

（好似最癲見過Intacart消費CAD55 減CAD50，仲有會員free trial免運費；久唔久又會見到買CAD40減CAD20）

Costco宜家長期Uber Eats gift card 20% off，搭埋Uber Eats嘅grocery coupon，買餸有機會平好多。

Costco好多野係平過出面，但見平就買埋啲唔需要嘅野的話，根本是本末倒置（反省中）

最新文章