[加拿大信用卡] RBC信用卡 儲Asia Miles攻略

RBC Avion分咗3種積分，由最高級到最低級嘅排名係Avion Elite points > Avion Premium points > Avion Select points。

想換Asia Miles／WestJet Rewards／British Airways Avios／American Airlines AAdvantage Miles 的話，就只有最高級別嘅Avion Elite points直接換到。

今次同大家分享吓點樣可以用信用卡迎新+日常簽賬，最有效率咁儲Avion，再至少1:1兌換Asia Miles！

下文今次會提到嘅幾張信用卡：

• RBC Avion Visa Infinite/ RBC Avion Visa Platinum：回贈積分為Avion Elite points

• RBC ION Visa/ RBC ION+ Visa: 回贈積分為Avion Premium points

信用卡迎新

• 11/25前申請RBC Avion Visa Infinite/ RBC Avion Visa Platinum，獲批卡可得35k Avion Elite points。首6個月內簽滿CAD5,000，可再得20k Avion Elite points。

  ➤ 迎新合共可得55k Avion Elite points

• 年費：CAD120

• RBC Avion Visa Infinite限定：經Great Canadian Rebates申請，可以再多CAD100迎新

  URL: RBC® Avion Visa Infinite 2024 Cash Back Rebates Canada

• RBC Avion Visa Infinite出卡要求較RBC Avion Visa Platinum高，但兩張卡嘅迎新offer係一樣。我建議兩張卡都係食完迎新即棄，所以RBC唔批VI嘅話都唔緊要，可以照拎Platinum食迎新。

日常簽賬

• RBC Avion Visa Infinite：Travel類別1.25x積分，其他一律1x積分

• RBC Avion Visa Platinum：一律1x積分

• RBC ION Visa：Grocery, Rides, Gas, Electric Vehicle Charging, Streaming, Digital Gaming & Subscriptions類別1.5x積分，其他一律1x積分

• RBC ION+ Visa：Grocery, Dining, Food Delivery, Rides, Gas, Electric Vehicle Charging, Streaming, Digital Gaming & Subscriptions類別3x積分，其他一律1x積分

➤ RBC ION+ Visa日常簽賬回贈最高

完成RBC Avion Visa Infinite/ RBC Avion Visa Platinum消費任務，確保收妥迎新後，可以product change去RBC ION+ Visa，儲最多3x嘅日常簽帳回贈。

幾時轉卡最好？無明文規定，有人好進取有人比較保守。但係根據前人嘅分享，最好等到20k Avion迎新回贈入咗你戶口/ 等翻三個月先轉卡。上網見過有人玩太盡，不停兩張卡之間轉黎轉去，最後被RBC強制閂信用卡（郭富城沒有證實這個消息）。

時間線

1. 11/25前出RBC Avion Visa Infinite/ RBC Avion Visa Platinum食55k Avion迎新

2. 一早簽完迎新都好，至少等到20k Avion迎新回贈入咗你戶口，先好轉去ION+

3. 用ION+簽日常簽帳儲積分（3x類別；無上限）

4. 需要轉換Asia Miles或其他航空公司里數時，再product change轉翻去RBC Avion Visa Infinite/ RBC Avion Visa Platinum

• Avion Elite points同Avion Premium points可以1：1轉換

Product change可以係網頁版online banking自己搞，唔需要落分行同真人講野

Product change的話，會收得翻現有信用卡prorated amount嘅年費。換句話講，即係出卡一年內由RBC Avion Visa Infinite/ RBC Avion Visa Platinum轉落ION+的話，你實際要比嘅年費係少過CAD120。

幾時兌換Asia Miles?

除非有緊急換機票需要、或者玩太盡聞到味RBC要閂你戶口...否則一律建議只有做額外兌換Asia Miles優惠時，先好將ION+轉去Avion信用卡，再兌換Asia Miles。

一黎可以慳翻啲年費，二黎又可以換到更多嘅Asia Miles。

2024年年頭，曾經做過extra 10%嘅兌換優惠。2022年年尾至2023年年頭，都做過10-15%兌換優惠。

考慮埋香港嘅信用卡都有類似嘅換分promotion，我地都可以合理地期待吓國泰今年/出年都會做類似嘅優惠。