top of page

[加拿大信用卡] RBC Avion - 55k Avion Points迎新細節

Jet So
2024年9月25日
讀畢需時 3 分鐘

已更新:2025年1月7日




上條Thread介紹咗RBC Avion Visa Infinite/ Platinum做緊55k Avion Points (可以1:1轉換成Asia Miles)迎新,估唔到咁多朋友有興趣!魔鬼在於細節,為免收唔足期望嘅迎新,T&C再無聊我哋都要一齊睇吓。


  1. 2024/08/28至2024/11/25申請,先可以有機會拎盡35k+20k 嘅Avion Points迎新。

    - RBC以前(半年前/ 1-2年前)都做過呢個35k+20k Avion Points嘅offer,但恒常offer只有35k。


  2. 以下兩類客戶係無迎新offer: (1) additional cardholder (co-applicant and authorised user)、(2) RBC現有信用卡客戶,由另一張信用卡轉去RBC Avion。換言之,迎新只適用於主卡人申請RBC Avion as一張新嘅信用卡。


  3. 35k Avion Points會於批卡後嘅60日內發放(我好似1-2星期就收到)。前提係派彩時,你個信用卡戶口要健在同埋in good standing。


    另外20k Avion Points,會係完成簽賬任務後嘅60日內發放。簽賬任務:開卡首6個月內,用呢張卡購物/ pre-authorised bill payment碌夠CAD5,000

    - 關於購物,T&C寫明要”net purchase”,即係退款果啲應該會俾佢扣翻出黎,唔算數。同埋套現、罰款之類嘅交易都唔算數。(都fair嘅,乖乖地拎去Black Friday買野咪算)


    - 同35k Avion Points一樣,派彩時,你個信用卡戶口要健在同埋in good standing。換句話講,即係就算你想慳年費,打算提早cut/ 轉去張低年費嘅卡,都要等派完彩先好搞。T&C寫到明,如果你係派彩前cut/轉卡,係有機會拎唔到迎新。


    - 關於幾時cut/轉卡,自己未試過所以戴翻個頭盔:係redflagdeals同reddit,啲人都係建議穩陣起見,就算你一早做完迎新任務,都等翻至少3個月先好cut/轉卡。所有銀行,包括RBC都唔係開善堂,到時俾人clawback迎新,受傷嘅都係你。再者,就算3個月cut卡,你都拎得翻75%年費,其實都唔會差好多。


  1. “This offer may not be combined or used in conjunction with any other offer”.

    - 佢冇寫明any other offer係指啲咩,所以如果銀行職員撩你張卡有其他offer(唔知有咩可以派LOL 可能免年費之類?),就要問清楚佢會唔會影響呢個35k+20k Avion Points嘅offer。


    - 我開卡時係落咗分行親身申請,個staff叫我開埋銀行戶口RBC Signature No Limit Banking,就可以減到呢張信用卡CAD35年費(本身張卡年費CAD120)。

    呢個銀行戶口 (1) 平時收月費CAD16.95,佢幫我waive左我一年份嘅月費;(2) 2024/10/1前開戶,完成任務送iPad 10th Gen Wifi 64GB。(呢個T&C又係要求多多,有機會遲啲再講…)


    我同個staff確認過,唔會影響35k+20k Avion Points offer,但我會建議你開戶時自己問清楚好啲(因為我果20k都未落袋,同埋每個staff offer嘅野都唔一定一樣)。

    可以順便拎埋個staff卡片,第日有咩拗撬直接email/打俾佢,好過係hotline/分行碌黎碌去做孤兒仔…(無錯我就係麻煩客,受夠了加拿大無準則可言嘅辦事憑度哈哈哈)


  2. 以下情況會導致Avion Points被沒收:

    - 如果你cut左卡或終止Avion Rewards program嘅12個月內,都冇redeem啲Avion Points



總結而言,最想講嘅都係唔好咁心急,諗住食完人地55k Avion Points就即刻cut卡/轉卡。綜合前人經驗,等翻至少三個月先好搞就穩陣啲。另外,想要額外嘅offer,尤其RBC嘅新客,可以試下去分行開卡而唔係網上申請,可能有意外驚喜。有咩唔明唔清楚,問RBC staff;最好拎埋卡片方便日後跟進/追討。


我覺得重要嘅點就係以上呢啲。瞓唔著都可以睇下原文T&C (拉落最底 > View Legal Disclaimers) : https://www.rbcroyalbank.com/credit-cards/travel/rbc-avion-visa-infinite.html




2 則留言


johnniwill.ia.ms4069
24小时前

https://dh88.llc/ mình ghé xem lúc rảnh, chủ yếu tò mò trang có những thông tin gì thôi. Mình hay đọc lướt trước, thấy phần nào cần thì mới dừng lại chứ ít khi xem hết từ đầu đến cuối. Ở đây có mục giải thích trang là gì và mục hướng dẫn đăng ký riêng, nên cũng tiện cho người mới muốn tìm hiểu sơ qua. Mình chưa thử thao tác tài khoản nên không có gì để kể thêm về phần đó. Chỉ thấy cách chia nội dung như vậy khá hợp với thói quen đọc của mình, không phải kéo qua một đoạn dài rồi tự đoán chỗ cần tìm nằm đâu. Các tiêu đề về thông tin…

按讚

katrinacha.vez.52.0.2
3天前

e39-bmw.com có cách trình bày khá hợp mắt mình, nhất là lúc chỉ muốn vào xem nhanh chứ chưa định đọc kỹ gì. Mình hay bị mất hứng với mấy trang nhồi quá nhiều thứ vào một chỗ, nên thấy giao diện đơn giản thế này cũng nhẹ đầu. Màu trên trang nhìn dịu, lướt một lúc không có cảm giác chói hay phải cố tập trung mới đọc được. Mình mới xem quanh trang chủ thôi nên chưa biết nội dung bên trong ra sao, cũng không muốn nhận xét quá tay. Riêng phần tìm mục để xem thì khá thuận, không phải kéo lên kéo xuống đoán chỗ cần bấm. Các nhóm nội dung trên trang chủ được…

按讚
bottom of page