[信用卡] 信用卡管理 更改截數日&還款日

唔知大家有無覺得，多一張信用卡，就每個月多一個找數日子要記，好鬼麻煩？尤其係玩卡海嘅朋友？

以我自己為例，每個月找7-8張加拿大+香港信用卡卡數，月頭/月中/月尾都有，再加埋時差，真係要好似中學生咁派咗statement就寫手冊，然後日日check手冊，唔想欠交功課 LOL

不過，最近發現咗無論係加拿大定香港，有啲銀行係接受你申請更改信用截數日/還款日架。

雖然唔係間間都得，但係盡可能地將佢地集埋同一個星期（甚至同一日），已經方便管理好多！

另外，如果本身係月頭要找卡數，改到落月尾的話，現金流又會鬆動咗，又可以無腦擺去活期存款賺吓利息～

---

下面係我試咗嘅幾間，俾大家參考：

（歡迎大家試完其他銀行話俾我知，我可以再加翻落去！）

如果身處海外，可以要求渣打同HSBC唔好send SMS驗證碼去香港登記電話號碼。佢地會改問你個人資料/戶口嘅問題，去核實身份。

HSBC問我嘅其中一條驗證問題，係最後一次登入HSBC網上理財嘅確實時間。由於我實在唔會記得，然後即刻登入都過到關haha

P.S.: Cheap爆嘅我係用公司Teams個電話打翻香港...(堅決唔想俾漫遊費用)

---

由於每間銀行截數日至還款日之間嘅期限都唔同，建議大家同客服傾嘅時候，可以直接提出你想要嘅還款日期（例如：每月20日至25日）。通常客服都會幫你逆算翻個截數日，令你大概可以喺指定嘅日子左右找卡數。

每間銀行都有自己嘅規矩，同埋每月找數日期係會被假期影響，所以大家都唔好FF全部可以同一日找數咁理想。但同一個星期找數，實現機會都幾高的！