話說身邊幾個朋友都話新一年想認真學吓理財 所以想由大概念開始，逐步breakdown同大家傾吓我點理解呢樣野 其中有個朋友琴日生日，所以隔岸寫篇生日賀文(???)幫佢慶吓生 假設以下低機率事情，喺我地人生之中唔發生 (發生的話，我真係恭喜你呀!!)， 屋企有勁多錢等你繼承 中六合彩頭獎/3T 同超級有錢佬/婆離婚，成功分走佢一半身家 做明星/生意紅足一世，啲錢衝住你而來 我地要接受一個現實，就係錢唔會無啦啦喺天跌落黎 如果想長遠少啲因為錢銀煩惱，或者想人生多啲選擇 我認為每個人都需要學+實踐個人理財嘅 對我黎講，普通人生在世，就好似長期喺冒險樂園玩咁 你有越多代幣(=錢)，就可以玩多啲野；你唔想宜家玩，儲埋遲啲玩都得 但你無代幣，就玩條毛啦... 個人理財嘅技倆同概念，好多時只要理解一次，然後持績實踐就可以 真係唔需要諗到佢好複雜 反而複雜嘅金融工具，其實並唔係每個人都適合，亦唔報證回報一定更多 個人理財，簡單黎講就係 資產形成 = (收入 - 支出) × 時間 + 投資回報 好多人一講到理財，第一時間就會諗「點樣慳錢？」 但其實，理財嘅核心唔只